тэргүүлэх чиглэл

2.2.Яамны үйл ажиллагааны тэргүүлэх чиглэл

Яам дараах үйл ажиллагааны тэргүүлэх чиглэлтэй ажиллана:

      2.2.1.Боловсролын салбарын бодлого төлөвлөх;

      2.2.2.Дээд боловсрол, мэргэжлийн болон техникийн боловсрол, сургалтын өрсөлдөх чадвартай, хөдөлмөрийн зах зээлийн эрэлт, ур чадварын шаардлагад нийцсэн хүний нөөц бэлтгэх, хөгжүүлэх, түншлэлд суурилсан мэргэжлийн болон техникийн боловсрол, сургалтын бодлогыг тодорхойлж, хэрэгжилтийг удирдлага, зохицуулалтаар хангах;

      2.2.3.Сургуулийн өмнөх болон ерөнхий боловсролын бодлого тодорхойлох, хэрэгжилтийг удирдлага, зохицуулалтаар хангах;

      2.2.4.Боловсролын салбарын санхүү, хөрөнгө оруулалт, эдийн засгийн нөөцийн төлөвлөлт, удирдлагыг хэрэгжүүлэх, гүйцэтгэл, үр дүнд суурилсан санхүүжилтийн тогтолцоог нэвтрүүлж, хөгжүүлэх;

      2.2.5.Боловсролын стандартын хэрэгжилтийг хангуулах, эрсдэлд суурилсан хяналт шалгалт хийх, салбарын болон яамны үйл ажиллагааны дотоод аудит, хяналт-шинжилгээ, үнэлгээг чанаржуулах, эрсдэлийн удирдлага, зөвлөмжөөр хангах;

      2.2.6.Боловсролын салбарын удирдлагын манлайллыг хангах, яамны төрийн захиргааны болон харьяа байгууллагын хүний нөөцийн удирдлагын чадавхыг сайжруулах, эрх зүйн дэмжлэг үзүүлэх, салбарын гадаад хамтын ажиллагааг хөгжүүлэх, өргөжүүлэх.

Эх сурвалж: Засгийн газрын 2025 оны 06 дугаар сарын 25-ны өдрийн 07 дугаар тогтоолын 9 дүгээр хавсралтаар БОЛОВСРОЛЫН ЯАМНЫ ҮЙЛ АЖИЛЛАГААНЫ СТРАТЕГИ, ЗОХИОН БАЙГУУЛАЛТЫН БҮТЦИЙН ӨӨРЧЛӨЛТИЙН ХӨТӨЛБӨР

Дэлгэрэнгүй мэдээлэл авах: Боловсролын яамны төрийн захиргааны удирдлагын газрын дарга Б.Алтансүх     /Утас:51-262227/