Өдрийн мэндээ.  Боловсролын сайдын 2026 оны "Үүрэг даалгаврын хэрэгжилтийг хангаж, ажил эрчимжүүлэх тухай" А/43 дугаарын тушаалын хэрэгжилтийг хангах хүрээнд Боловсрол, шинжлэх ухааны сайдын 2023 оны “Дүрэм шинэчлэн батлах тухай” А/575 дугаар тушаалаар батлагдсан “Докторын зэрэг хамгаалуулах зөвлөлийн дүрэм”-д өөрчлөлт оруулахаар яамны вэбсайтаар дамжуулан олон нийтээс санал авахаар хүргэж байна. 

Боловсролын сайд, Эрүүл мэндийн сайд, Гэр бүл, хөдөлмөр, нийгмийн хамгааллын сайдын хамтарсан 2025 оны А/85, А/55, А/49 дүгээр тушаалаар батлагдсан “Хөгжлийн бэрхшээлтэй хүний боловсрол эзэмшихэд дэмжлэг үзүүлэх чиг үүрэг бүхий дэмжих төвийн дүрэм”-д өөрчлөлт оруулахаар “Дүрэмд өөрчлөлт оруулах тухай” Боловсролын сайд, Эрүүл мэндийн сайд, Гэр бүл, хөдөлмөр, нийгмийн хамгааллын сайдын хамтарсан тушаалын төслийг боловсруулан санал авахаар цахимд байршуулж байна. Тушаалын төсөлтэй танилцан amarjargal@moe.gov.mn цахим хаягаар саналаа ирүүлнэ үү.

Мэргэжлийн болон техникийн боловсрол, сургалтын тухай хуулийн 9 дүгээр зүйлийн 9.12 дэх хэсэгт “Мэргэжлийн болон техникийн боловсролын сургалтын байгууллага харьяалалдаа чадамжийн төв, салбар дундын дадлагын бааз, гарааны компани, бизнес инкубатор төв, туслах аж ахуйтай байж болно” гэж, 9.13 дахь хэсэгт “Энэ хуулийн 9.12-т заасан чадамжийн төв, дадлагын баазад тавих нийтлэг шаардлагыг боловсролын асуудал эрхэлсэн Засгийн газрын гишүүн батална.” гэж заасныг тус тус үндэслэн “МЭРГЭЖЛИЙН БОЛОН ТЕХНИКИЙН БОЛОВСРОЛЫН СУРГАЛТЫН БАЙГУУЛЛАГЫН ЧАДАМЖИЙН ТӨВ, САЛБАР ДУНДЫН ДАДЛАГЫН БААЗАД ТАВИХ НИЙТЛЭГ ШААРДЛАГА”-ыг боловсруулан Захиргааны ерөнхий хуулийн 62 дугаар зүйлийн 62.1 дэх-д заасны дагуу санал авч байна. Журмын төсөлтэй танилцан саналаа 2026 оны 04 дүгээр сарын 10-ны дотор erdenebat@moe.gov.mn хаягаар ирүүлнэ үү.

 "Сурах бичгийн эх зохиох, санал авах, дүгнэлт гаргуулах үйл ажиллагааны журам”-ын төслийг шинэчлэн боловсруулж Захиргааны ерөнхий хуулийн 62.1-д заасны дагуу санал авч байна. Журмын төсөлтэй танилцан саналаа 2026 оны 03 дугаар сарын 30-ны өдрийн дотор soyolmaa@moe.gov.mn хаягаар ирүүлнэ үү.

"Мэргэжлийн болон техникийн боловсролын сургалтын байгууллагын багш, удирдах ажилтны мэргэжил дээшлүүлэх журам"-ын төсөлтэй танилцан саналаа tugsjargal@moe.gov.mn хаягаар 2026 оны 03 дугаар сарын 27-ны өдрийн дотор ирүүлнэ үү.

“Зайн болон цахим сургалт зохион байгуулах, эзэмшсэн боловсролыг үнэлэх, дүйцүүлэх журам”-ын төсөлтэй танилцан, саналаа jargal@moe.gov.mn хаягаар 2026 оны 03 дугаар сарын 27-ны өдрийн дотор ирүүлнэ үү.

Монгол Улсын Их Хурлын 2022 оны “Хүнсний хангамж, аюулгүй байдлыг хангах талаар авах зарим арга хэмжээний тухай" 36 тогтоолд хүүхдийн хоол, хүнсний хангамжийн оновчтой тогтолцоог бий болгох асуудлаар холбогдох хууль тогтоомжид нэмэлт, өөрчлөлт оруулахаар заасныг үндэслэн хуулийн төслийг боловсруулан санал авахаар цахимд байршуулж байна. Хуулийн төслийг боловсруулахдаа i) Олон улсын хүний эрхийн зарчим, хэм хэмжээнд нийцүүлэн “үл ялгаварлах” зарчим, ii) Хоол үйлдвэрлэл, үйлчилгээнд сайн засаглалын зарчим, iii) Төр, хувийн хэвшлийн оролцоог дэмжих зарчмыг баримтлан дараах нэмэлт өөрчлөлийг оруулахаар хуулийн төслийг боловсруулсан. a. Баталгаатай хүнсний түүхий эд, бүтээгдэхүүнийг тогтвортой үнээр нийлүүлэх тогтолцоог b. Хүүхдийн хоол үйлдвэрлэл, үйлчилгээтэй холбогдуулан боловсрол, эрүүл мэнд, нийгэм хамгаалал, хүнс хөдөө аж ахуй, эдийн засгийн салбарын уялдаа холбоог хангах, c. Хоол үйлдвэрлэл, үйлчилгээний явц, үр дүнг хяналт шинжилгээ хийхээс гадна хүүхдийн өсөлт, хөгжилтийг хэмжих үзүүлэлт болон хоол үйлдвэрлэлийн үр нөлөөг үнэлж, үр дүнг мэдээллийн санд оруулах зэрэг нэмэлт өөрчлөлтийг тусган боловсруулав. Хуулийн төслийн талаар саналаа Dulamkhand@moe.gov.mn хаягт ирүүлнэ үү.

Ерөнхий боловсролын сургуулийн хоол үйлдвэрлэл, үйлчилгээний тухай хуулийн 10.2.6-д заасан "Сургуулийн хоол үйлдвэрлэл, үйлчилгээний дотоод хяналтын журам"-ын төсөлд нээлттэй санал авахаар танилцуулж байна. Журмын төсөлд таны ирүүлэх санал чухал тул Dulamkhand@moe.gov.mn цахим хаягаар бидэнд саналаа ирүүлнэ үү.

“СУРГУУЛИЙН ӨМНӨХ БОЛОВСРОЛЫН СУРГАЛТЫН ХЭРЭГЛЭГДЭХҮҮН,  ТОГЛООМ НААДГАЙД  ТАВИГДАХ ШААРДЛАГА”-ын төсөлд санал авч байна Та бүхэн шаардлагын төсөлтэй танилцан саналаа Gantugs@moe.gov.mn  хаягаар ирүүлнэ үү.  

"Сургуулийн өмнөх болон ерөнхий боловсролын тухай" хуулийн 26.6-д “Энэ хуулийн 18.7-д заасан үнэлгээ хийх журмыг боловсролын асуудал эрхэлсэн Засгийн газрын гишүүн батална” гэж заасны дагуу “Сургуулийн өмнөх боловсролын үйлчилгээнд хамрагдаж байгаа суралцагчийн хөгжил болон сургуульд бэлтгэгдсэн байдлыг үнэлэх журам”-ын төслийг боловсруулан Захиргааны ерөнхий хуулийн 62.1 дэх заалтыг үндэслэн санал авч байна. Журмын төсөлтэй танилцан саналаа Сургуулийн өмнөх боловсролын хэлтэс Б.Энхцэцэг enkhtsetseg@moe.gov.mn хаягаар ирүүлнэ үү.

Захиргааны ерөнхий хуулийн 62.1-д "Захиргааны хэм хэмжээний актын төслийг тухайн захиргааны байгууллагын цахим хуудас болон мэдээллийн самбарт 30-аас доошгүй хоногийн хугацаанд байрлуулж санал авна" гэж заасны дагуу “Цэцэрлэгт хүүхэд хамгааллын үйлчилгээ үзүүлэхэд мөрдөх журам”-ын төсөлд санал авч байна. Та бүхэн журмын төсөлтэй танилцан саналаа Сургуулийн өмнөх боловсролын хэлтэс Б.Энхцэцэг enkhtsetseg@moe.gov.mn хаягаар ирүүлнэ үү.

Захиргааны ерөнхий хуулийн 62.1-д "Захиргааны хэм хэмжээний актын төслийг тухайн захиргааны байгууллагын цахим хуудас болон мэдээллийн самбарт 30-аас доошгүй хоногийн хугацаанд байрлуулж санал авна" гэж заасны дагуу боловсрол, хөдөлмөр, нийгмийн хамгаалал, санхүүгийн асуудал эрхэлсэн Засгийн газрын гишүүн хамтран батлах "Ерөнхий боловсролын сургуулийн нийгмийн ажилтанд мэргэшлийн зэрэг олгоход тавигдах шалгуур үзүүлэлт"-ийн төсөлд санал авч байна.

Боловсролын ерөнхий хуулийн 26 дугаар зүйлийн 26.1.2-т заасны дугуу  "Мэргэжлийн болон техникийн боловсролын сургалтын байгууллагын багш, удирдах ажилтны мэргэжил дээшлүүлэх журам"-ын төслийг  боловсруулан Захиргааны ерөнхий хуулийн 62 дугаар зүйлийн 62.1 дэх-д заасны дагуу санал авч байна. Журмын төсөлтэй танилцан саналаа Urantsetseg@moe.gov.mn хаягаар ирүүлнэ үү.

Мэргэжлийн болон техникийн боловсрол, сургалтын тухай хуулийн 11 дүгээр зүйлийн 11.5 дахь хэсгийг үндэслэн "Мэргэжлийн сургалтын байгууллагад тавих шаардлага"-ын төслийг боловсруулан Захиргааны ерөнхий хуулийн 62 дугаар зүйлийн 62.1 дэх-д заасны дагуу санал авч байна. Шаардлагын төсөлтэй танилцан саналаа Urantsetseg@moe.gov.mn хаягаар ирүүлнэ үү.

Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, Боловсролын ерөнхий хуулийн 12 дугаар зүйлийн 12.4 дахь хэсэг, Мэргэжлийн болон техникийн боловсрол, сургалтын тухай хуулийн 06 дугаар зүйлийн 6.12 дахь хэсэг, Монгол Улсын Засгийн газрын 2024 оны 04 дүгээр сарын 24-ний өдрийн “Үзэл баримтлал батлах тухай” 176 дугаар тогтоолын 3.2 дахь хэсгийг тус тус үндэслэн “Мэргэжлийн сургалтын хөтөлбөрт дүгнэлт гаргах, баталгаажуулах журам"-ыг Захиргааны ерөнхий хуулийн 62 дугаар зүйлийн 62.1 дэх-д заасны дагуу санал авч байна. Журмын төсөлтэй танилцан саналаа erdenebat@moe.gov.mn хаягаар ирүүлнэ үү.