Төрийн байгууллагын үйл ажиллагаа, үйлчилгээний чанар, хүртээмжийг үнэлэх зорилгоор хэрэглэгчийн сэтгэл ханамжийн судалгааг зохион байгуулж байна. Энэхүү судалгаа нь Монгол Улсын Засгийн газрын 2025 оны 43 дугаар тогтоолоор батлагдсан журмын дагуу хэрэгжиж байгаа бөгөөд 2026 оны хоёрдугаар сарын 23-наас 28-ны өдрүүдэд цахимаар явагдана. Судалгааны үр дүнд үндэслэн байгууллагын 2025 оны үйл ажиллагаанд үнэлгээ хийж, цаашид хэрэгжүүлэх сайжруулах арга хэмжээг тодорхойлох болно. Иймд төрийн байгууллагаас үйлчилгээ авсан иргэн, аж ахуйн нэгж, төрийн бус байгууллагууд Та бүхнийг судалгаанд идэвхтэй оролцохыг урьж байна.

2022 онд байгуулагдсан цагаасаа хойш Teach For Mongolia боловсролын тэгш бус байдлыг бууруулах чиглэлээр үйл ажиллагаа явуулж, салбар бүрийн залуу мэргэжилтнүүдийг сонгон шалгаруулан орон нутгийн сургуулиудад хоёр жилийн хугацаатай багшаар илгээж, багшлах арга зүй болон хувь хүний хөгжлийн сургалтаар тасралтгүй дэмжин ажиллаж байна.

Монгол Улсын Ерөнхийлөгчийн зарлигаар эрхэлсэн ажил, салбартаа олон жил үр бүтээлтэй ажиллаж онцгой амжилт гарган, эх орныхоо хөгжил дэвшилд үнэтэй хувь нэмэр оруулсан нэр бүхий хүмүүсийг төрийн одон, медалиар шагналаа. Шагналыг Засгийн газрын гишүүн, Боловсролын сайд Л.Энх-Амгалан гардуулан өглөө.

Дээд, мэргэжлийн болон техникийн боловсролын салбарын 130 төлөөлөлтэй 2025-2026 оны хичээлийн жилийн зорилго, зорилтын үйл ажиллагаагаа дүгнэлээ.

Хөдөө аж ахуйн чиглэлийн техник, мэргэжлийн боловсрол, сургалтын загвар төслийг Боловсролын яам, Азийн хөгжлийн банктай хамтран 2026-2031 онд хэрэгжүүлнэ.

Оюуны ундраа сургуулийн 42 бүлэг байгааг ирэх хичээлийн жилээс 34 бүлэг болгон бууруулна. Хоёр ээлжээр хичээллэдэг байсан бол зөвхөн нэг ээлжээр хичээллэж, төрөлжсөн ахлах сургууль болгон хөгжүүлнэ.