“Ерөнхийлөгчийн илгээлт-2100” хөтөлбөрийн эхний жилийн 256 оюутан Их Британи, Умард Ирландын Нэгдсэн Хаант Улс, Канад Улс, Бүгд Найрамдах Польш Улс, Австралийн Холбооны Улс, Бүгд Найрамдах Хятад Ард Улс, Оросын Холбооны Улс, Унгар Улс, Бүгд Найрамдах Энэтхэг Улс, Бүгд Найрамдах Социалист Вьетнам Улс зэрэг 13 орны их, дээд сургуульд суралцахаар эх орноосоо мордов.

Боловсролын салбар 2022 оны "ЁС ЗҮЙН ЖИЛ" болгон зарласантай холбогдуулан "ДЭЛХИЙН БАГШ НАРЫН ӨДӨР"-ийн хүрээнд андгай өргөх ёслолыг зохион байгуулахаар шийдвэрлэлээ. Шавь нараа дэмжиж, хамт олноо хүндэтгэн, өөрийгөө тасралтгүй хөгжүүлж, салбарын хөгжлийг түүчээлэн ажиллах болно гэдгээ багш нар амлаж, андгай өргөж байгаа юм.

Хүүхэд шуугьсан их өргөөний эзэд, хүсэл долгилсон ирээдүйн замын эх багш нартаа "ДЭЛХИЙН БАГШ НАРЫН ӨДӨР"-ийн мэнд хүргэе.

Хичээлийн шинэ жилийн бэлтгэл хангаж байгаатай холбоотойгоор ЭМЯ, ХӨСҮТ-ийн тандалтын багийн судалгаа, нөхцөл байдлын үнэлгээтэй танилцлаа.

6 дугаар сарын 1-ний өдөр тооцоолол хийж үзэхэд 34 мянган хүүхэд цэцэрлэгт хамрагдаж чадахгүй, аав ээж, эмээ өвөөгийн гар дээр хүмүүжиж байсан юм. Тэдний ихэнх нь хоёр настай хүүхдүүд. Харин зуны туршид яам, агентлаг, нийслэл, холбогдох төрийн байгууллагууд хамтран ажилласнаар өнөөдрийн байдлаар тэдний 22 мянгыг нь цэцэрлэгт хамруулах боломжийг бүрдүүлээд байна.

Боловсрол, шинжлэх ухааны салбар эрх зүйн болон төсвийн шинэчлэлийг эхлүүлж энэ хүрээндээ анхан шатны нэгжүүдэд бодлого шийдвэрээ танилцуулах, нэгдсэн ойлголт мэдээлэл өгөх зорилгоор орон нутагт ажиллаж байна. Өнөөдөр БШУ-ы сайдаар ахлуулсан ажлын хэсэг Говьсүмбэр аймагт ажиллаж байна. Оролцоо их байх тусам алдаа бага гарна.