buyanbileg 
Эртний их түүхт Их Монгол улсын ирээдүй хойч
Монгол улсын иргэн би
Монгол төрийнхөө сүр хүчийг сүлдлэн дээдэлж
Монгол улсын тусгаар тогтнолыг батлан хамгаалж
Монгол иргэнийхээ нэр төрийг өндөрт өргөн
Бүрэн эрхт ард түмнийхээ итгэлийг даан
Их түүх, эрх чөлөөний эзэн нь байж
Эх орон газар нутгаа хайрлан хамгаалж
Их соёл зан заншлаа өвлөн дэлгэрүүлж
Энх тайван амар амгаланг эрхэмлэн дээдэлж
Их засаг хууль ёсыг чандлан сахиж
Үнэнч шударга
Цэвэр ариун
Оюун төгс
Хөдөлмөрч хичээнгүй иргэн байхаа
Их төрийнхөө дор андгайлж байна.
Тусгаар тогтнолын өдрийг тохиолдуулан Монгол Улсын Ерөнхий сайдын ивээл дор 19 дэх жилдээ иргэний андгай өргөх ёслол боллоо. Ёслолд энэ онд 16 нас хүрч байгаа 43166 иргэн оролцсон юм. Төрийн ордны их танхимд энэ арга хэмжээ болохтой зэрэгцэн 21 аймаг 9 дүүрэгт мөн андгай өргөх ёслол болсон юм.
Өсвөр үеийнхэнд эх оронч үзлийг төлөвшүүлэх, тусгаар тогтнолын үнэ цэнийг мэдрүүлэх, түүхэн ач холбогдлыг ойлгуулах, өв уламжлалын боловсрол олгоход энэ арга хэмжээний утга учир оршиж байгаа юм. Эх орны үргэлжлэл тусгаар тогтнолын баталгаа бол залуу үе юм.
