buyanbileg 
Ерөнхий боловсролын сургуульд сэтгэл зүйч ажиллуулах зорилгын хүрээнд боловсролын сэтгэл зүйчдийг мэргэшүүлэх сургалтыг үе шаттай зохион байгуулж байгаа. Өнөөдөр 3 дахь ээлжийн төгсөгчид сертификатаа гардан авлаа. НҮБ-ын Хүүхдийн сангийн дэмжлэгтэйгээр зохион байгуулагдсан энэ удаагийн сургалтад 11 аймаг, зургаан дүүргийн 51 сэтгэл зүйч хамрагдлаа. Энэ удаагийн сургалтад 1-4 жил ажилласан дадлага туршлагатай сэтгэл зүйчид хамрагдаж байгаагаараа онцлог.
Сургалтыг:
-Боловсрол сэтгэл судлалын үндэс
-Сэтгэл судалгааны арга зүй ба 6-18 насны хүүхдийн сэтгэцийн оношилгоо
-Сэтгэл зүйн зөвлөх үйлчилгээ
-Сэтгэл зүйн урьдчилан сэргийлэх үйл ажиллагаа
-Сэтгэл зүйн нөлөөллийн үйл ажиллагаа
-Хяналт-шинжилгээ, үнэлгээ гэсэн агуулгын хүрээнд зохион байгууллаа.
Сертификатыг Боловсролын ерөнхий газрын дарга Т.Ням-Очир, Монголын Сэтгэл зүйчдийн нийгэмлэгийн тэргүүн Ш.Батсүх, НҮБ-ын Хүүхдийн сангийн суурин төлөөлөгч Эваристе Коуасси Комлан, Боловсрол судалгааны үндэсний хүрээлэнгийн захирал М.Итгэл нар гардуулан өгч, мэргэшсэн сэтгэл зүйчдэд амжилт хүслээ.
