БШУ-Ы ДЭД САЙД Г.ГАНБАЯР СУРАГЧДЫН XIX ОЛИМПТ АМЖИЛТТАЙ ОРОЛЦСОН ТАМИРЧДЫГ ХҮЛЭЭН АВЧ УУЛЗЛАА

  1. buyanbileg
  2. 2022-05-30
  3. Цаг үе, үйл явдал, Мэдээ
  4. 1249 уншсан
  5. 1 минут уншина
A- A A+
БШУ-Ы ДЭД САЙД Г.ГАНБАЯР СУРАГЧДЫН XIX ОЛИМПТ АМЖИЛТТАЙ ОРОЛЦСОН ТАМИРЧДЫГ ХҮЛЭЭН АВЧ УУЛЗЛАА

Сурагчдын XIX олимпийн наадам болох “Гимназиад-2022”-т Монгол Улс анх удаа оролцож, жүдо бөхийн 57 кг-ийн жинд Д.Номин барилдаж, хүрэл медаль хүртсэн. Жүдо бөхийн төрөлд амжилттай оролцсон баг тамирчдыг БШУ-ы дэд сайд Г.Ганбаяр хүлээн авч уулзлаа.

Сурагчдын олимпт 69 орны 3400 тамирчин спортын 20 төрөлд өрсөлдсөн юм. БШУ-ы дэд сайд энэхүү тэмцээнд оролцсон тамирчдад баяр хүргэж, цаашдынх нь хичээл сурлага, спортод нь өндөр амжилт хүслээ. Мөн сурагчдыг спортын бэлтгэл хийхийн зэрэгцээ хичээл номоо орхигдуулж болохгүйг хэлсэн юм.

Монголын сургуулийн спортын холбооны зүгээс Монголын сурагчдын спортын наадмыг хоёр жилд нэг удаа зохион байгуулахаар төлөвлөн ажиллаж байгаагаа дуулгалаа.