buyanbileg 
Боловсрол, шинжлэх ухааны яам, МҮОНРТ оюутан залуусын бүтээлч сэтгэлгээг хөгжүүлэх, үндэсний шилдэг инженерүүдийг чадавхжуулах зорилгоор “Робокон” үндэсний аварга шалгаруулах роботын тэмцээнийг жил бүр зохион байгуулж ирсэн. Энэ жил мөн зохион байгуулж, аваргуудаа тодрууллаа.
Тэмцээнд есөн их, дээд сургууль, коллежийн арван багийн өрсөлдөөнөөс:
- Нэгдүгээр байр буюу тэмцээний ялагчаар ШУТИС-ийн Мэдээлэл, холбооны технологийн сургуулийн “SCIT” баг
- Хоёрдугаар байрт, ШУТИС-ийн Механик, тээврийн сургуулийн “Монхорус” баг
- Гуравдугаар байрт, ҮБХИС-ийн “Аравт”, Монгол Улсын их сургуулийн Хэрэглээний шинжлэх ухаан, инженерчлэлийн сургуулийн “Соёмбо” баг тус тус шалгарлаа.
Тэргүүн байрт шалгарсан Шинжлэх ухаан, технологийн их сургуулийн Мэдээлэл, холбооны технологийн сургуулийн “SCIT” баг Энэтхэг улсад болох “ABU Robocon-2022” олон улсын роботын тэмцээнд Монгол Улсаа төлөөлөн оролцохоор боллоо.
