Боловрол, шинжлэх ухааны сайд Л.Энх-Амгалан Их Британи Умард Ирландын Нэгдсэн Хаант Улсын парламентын ордонд зочиллоо. Энэ үеэр Монгол Британийн парламентын бүлгэмийн гишүүдтэй уулзсан юм.

Уулзалтаар УИХ-аар хэлэлцэж эхэлсэн үндсэн хуулийн нэмэлт өөрчлөлт, Боловсролын багц хуулийн хүрээн дэх гол өөрчлөлтүүд, тэр дундаа боловсролын байгууллагад судлах үндсэн гадаад хэл зэрэг сэдвүүдийн хүрээнд мэдээлэл солилцлоо. Монгол хүүхдүүд англи хэлийг судлах, сурахад дэмжлэг үзүүлэх, сайн дурын багш илгээх боломжийн талаар мөн ярилцсан.

Хоёр орны хамтын ажиллагааны хүрээнд тэтгэлэгт хөтөлбөрөөр оюутан сургах, хамтарсан санхүүжилт гаргах байдлаар сэндвич хөтөлбөр хэрэгжүүлэх боломж дэмжлэгийн талаар ч санал солилцлоо.