Боловсролын сайд Л.Энх-Амгалан Швейцарын Холбооны Улсын Гадаад хэргийн яамны Ази, Номхон далайн газрын дарга, сайд Маркус Лайтнерыг хүлээн авч уулзлаа.
Уулзалтын үеэр хоёр улсын боловсролын салбарын хамтын ажиллагааны талаар санал солилцлоо.
Өнгөрсөн хугацаанд Швейцарын Холбооны Улстай тогтвортой хөгжлийн боловсрол, мэргэжлийн боловсрол сургалтын чиглэлээр төсөл, хөтөлбөрүүдийг амжилттай хэрэгжүүлж байсныг онцлон дурдлаа.
Цаашид мэргэжлийн боловсрол сургалтын салбарт түлхүү хамтарч ажиллах боломжийг эрэлхийлж ажиллахаар болов. Мөн Швейцарын Холбооны Улсын хэрэгжүүлдэг хүртээмжтэй боловсролын бодлогоос туршлага судлах зэрэг чиглэлээр талууд санал солилцов.
.jpg)
