Боловсролын яам болон Монголын боловсрол, шинжлэх ухааны үйлдвэрчний эвлэлийн холбооны хооронд байгуулсан 2024–2026 оны хамтын хэлэлцээр, нэмэлт хэлэлцээрүүдийн хэрэгжилтийн явцыг хамтран дүгнэх, хэрэгжилтийг эрчимжүүлэх уулзалт боллоо.
Уулзалтаар хамтын хэлэлцээрийн хэрэгжилтийн үр дүнг дүгнэж, багш, ажилтнуудын хөдөлмөр эрхлэлт, нийгмийн баталгаа, цалин хөлс, хөдөлмөрийн нөхцөлийг сайжруулах чиглэлээр хэрэгжүүлж буй арга хэмжээний явцыг хамтран дүгнэв.
Мөн хэлэлцээрийн хэрэгжилтийг эрчимжүүлэх, тулгамдсан асуудлыг шуурхай шийдвэрлэх, талуудын хамтын ажиллагааг улам бэхжүүлэх чиглэлээр санал солилцож, цаашид хэрэгжилтийг эрчимжүүлэхээр тохиролцлоо.
