МУИС-ийн Хэрэглээний шинжлэх ухаан, инженерчлэлийн сургуулийн докторант Эрдэнэцогт овогтой Уугангэрэл “Дэгжин шиваантиг (Pyrethrum pulchrum Ledeb.) ургамлын фитохими болон биологийн идэвхийн судалгаа” сэдвээр Химийн ухааны доктор (Ph.D)-ын зэрэг хамгаална. Хамгаалуулах зөвлөлийн хурал 2021 оны 07 дугаар сарын 08-ний өдрийн 14:00 цагаас МУИС-ийн төв байрны 320 тоот танхимд болно.

ШУТИС-ийн докторант Эрхэмбаатарын Нарантуяа нь “Мэдээлэл холбооны технологийн хөгжлийн үзүүлэлтийг энтропид тулгуурлан тодорхойлох боломжийн судалгаа” сэдвээр техникийн ухааны доктор (Ph.D)-ын зэрэг хамгаална. Хамгаалуулах зөвлөлийн хурал 2021 оны 7 дугаар сарын 7-ны өдрийн 11:00 цагт ШУТИС-ийн Төв байрны 203 тоот Эрдмийн зөвлөлийн танхимд болно.

Боловсрол, шинжлэх ухааны дэд сайд Г.Ганбаяр Бүгд найрамдах Энэтхэг улсаас Монгол Улсад суугаа Онц бөгөөд Бүрэн эрхт Элчин сайд М.П.Сингхийг хүлээн авч уулзлаа. Энэ үеэр Монгол-Энэтхэгийн хамтарсан сургууль байгуулах ажлыг эрчимжүүлэх асуудлаар санал солилцлоо.