Ёс зүйн жилийн хүрээнд "Сайдад и-мэйл бичээрэй" 14 хоногийн аяныг 2022.02.01-ээс 02.14-ний өдрүүдэд зохион байгуулсан. Эцэг эх, асран хамгаалагчид, багш ажилтнууд, оюутан сурагчдаас 1052 саналыг сайдад ирүүлсэн байна. Ирүүлсэн захидлын 577 нь ёс зүйн зөрчил, харилцаа хандлагын доголдол, ялгаварлан гадуурхалттай холбоотой байлаа.

Боловсрол, шинжлэх ухааны сайд Л.Энх-Амгалан Дэлхийн эдийн засгийн чуулга уулзалт байгууллагын Ази, Номхон далайн бүсийн дарга Жүү-Ок Лиг хүлээн авч уулзлаа. Тэрбээр Боловсролын салбарын хурдасгуур (Education Accelerator) санаачилга болон 2023 онд болох Дэлхийн эдийн засгийн чуулга уулзалтын бэлтгэл ажлын талаар мэдээлэл өгсөн юм.

“Дэлхийн ур чадвар” 46 дахь удаагийн олон улсын тэмцээн энэ оны 10-11 дүгээр сарын хооронд 15 оронд бүсчилсэн байдлаар зохион байгуулагдах гэж байна. Тэмцээнд нийт 58 улсын 1000 гаруй оролцогчид 61 мэргэжлээр өрсөлдөнө.

ОХУ-ын тэргүүлэх 20 их, дээд сургуулийн төлөөлөгчид Улаанбаатар хотод болох “ОРОСЫН ҮНДЭСНИЙ БОЛОВСРОЛЫН VII ҮЗЭСГЭЛЭН-2022”-д оролцохоор ирэх гэж байна. Улаанбаатар дахь Русский Дом тус үзэсгэлэнгийн зохион байгуулагчаар ажиллаж байна. Үзэсгэлэн энэ сарын 6-9-ний өдрүүдэд болно.  

Боловсрол, шинжлэх ухааны сайд Л.Энх-Амгалан, ХБНГУ-ын Эдийн засгийн хамтын ажиллагаа, хөгжлийн яамны Төрийн нарийн бичгийн дарга Нийлс Аннен нар холбогдох төлөөллийн хамт Монгол-Германы хамтарсан ашигт малтмал, технологийн их сургуульд ажиллалаа.

Монгол Улсын анхны дээд боловсролын байгууллагуудын нэг АШУҮИС энэ өдрүүдэд 80 жилийн ойгоо тэмдэглэн өнгөрүүлж байна. Ойн нэгдсэн арга хэмжээ өнөөдөр болж тус сургуулийг Монгол Улсын Ерөнхийлөгчийн зарлигаар Сүхбаатарын одонгоор шагналаа. Өргөсөн тангарагтаа үнэнч байсны төлөөх шагнал гэж салбарын сайд тодорхойлсон юм.