БОЛОВСРОЛЫН СЭТГЭЛ ЗҮЙЧДИЙГ МЭРГЭШҮҮЛЭХ 5 ДАХЬ УДААГИЙН СУРГАЛТ БОЛЛОО
2023-2024 оны хичээлийн жилд ерөнхий боловсролын сургуульд ажиллах хүсэлтээ 85 сэтгэл зүйч ирүүлсэн. Тэднээс 2 үе шаттай сонгон шалгаруулалтын дараа 40 сэтгэл зүйч сонгогдож "Боловсролын сэтгэл зүйч"-ийн мэргэшүүлэх 45 хоногийн сургалтад хамрагдлаа. Энэ бол 5 дахь удаагийн сургалт юм.
Сургалтаар 14 хоног ерөнхий боловсролын сургуульд дадлага хийж, танхимаар:
- Боловсролын сэтгэл судлалын үндэс
- Сэтгэл судлалын судалгааны арга зүй
- Хүүхдийн сэтгэцийн оношилгоо
- Сэтгэл зүйн зөвлөх үйлчилгээ
- Сэтгэл зүйн урьдчилан сэргийлэх үйл ажиллагаа
- Нөлөөллийн үйл ажиллагаа
- Хяналт шинжилгээ
- Үнэлгээ гэсэн модуль хичээлүүдийг практикт ашиглах арга зүйг эзэмшлээ.
Мөн 2023-2024 оны хичээлийн жилд сэтгэл зүйч ажиллуулах сургуулиудын хүсэлтийг энэ өдрүүдэд хүлээн авч байна.
Хүсэлт авах хугацаа 07 дугаар сарын 01-ний өдөр дуусна. Тодруулга мэдээлэл авахыг хүсвэл Боловсролын ерөнхий газрын мэргэжилтэн П.Жаргалтуяа \94005969\-тай холбогдоно уу.
Хүлээн авах хаяг: jargaltuya@agency.edu.mn
