2021 оны 06 дугаар сарын 24-ний өдөр Улсын Их Хуралд өргөн мэдүүлсэн Боловсролын багц хуулийн төслийн хэлэлцүүлэг үргэлжилж байна.
Багц хуулийн төсөлд
- Боловсролын ерөнхий хуулийн төсөл
- Сургуулийн өмнөх болон Ерөнхий боловсролын тухай хуулийн төсөл
- Мэргэжлийн болон Техникийн боловсролын тухай хуулийн төсөл
- Дээд боловсролын тухай болон Судалгааны их сургуулийн эрх зүйн байдлын тухай хуулийн төслүүд багтаж байгаа юм.
Дээрх хуулийн төслүүдийн эхний хэлэлцүүлгийг Улсын Их Хурал сүүлийн хоёр долоо хоногийн хугацаанд хийж, эцсийн хэлэлцүүлэгт бэлтгүүлэхээр Боловсрол, соёл, шинжлэх ухаан, спортын байнгын хороонд шилжүүллээ.
Ингэснээр энэ хаврын чуулганаар буюу ирэх долоо хоногийн чуулганы нэгдсэн хуралдаанаар БОЛОВСРОЛЫН БАГЦ ХУУЛЬ батлагдах гэж байна.
