ТӨРИЙН ЖИНХЭНЭ АЛБАН ХААГЧИЙГ ШИЛЖҮҮЛЭХ, СЭЛГЭН АЖИЛЛУУЛАХ ТУХАЙ ЗАР

Төрийн албаны зөвлөлийн 2023 оны 25 дугаар тогтоолоор батлагдсан “Төрийн албаны шалгалт өгөх болзол болон шатлан дэвшүүлэх, сонгон шалгаруулах журам”-ын 4 дүгээр зүйлийн 4.2-т заасны дагуу төрийн өөр байгууллага, нэгж хооронд шилжин ажиллахыг хүссэн төрийн холбогдох бусад байгууллагад ажиллаж байгаа төрийн жинхэнэ албан хаагчдыг дараах албан тушаалд холбогдох материалаа цахим шуудангаар ирүүлэхийг урьж байна.

Тавигдах болзол, шаардлага:

төрийн жинхэнэ албан тушаалд зохих ёсоор томилогдсон байх;
зарлагдсан албан тушаалтай адил төрөл болон адил ангилалд ажилладаг байх;
зарлагдсан албан тушаалын тодорхойлолтод заасан тусгай шаардлагыг хангасан байх.

Бүрдүүлэх материал:

Хүсэлт
Төрийн албан хаагчийн анкет;
Иргэний үнэмлэхийн хуулбар;
Боловсролын түвшнийг тодорхойлсон баримт бичиг /диплом/, хэрэв гадаад улсад их, дээд сургууль төгссөн бол боловсролын баримт бичгийн баталгаат орчуулгыг хавсаргах;
Мэргэшүүлэх сургалтад хамрагдсаныг гэрчлэх баримт бичиг;
Нийгмийн даатгалын дэвтэр /Хөдөлмөрийн дэвтэр/-ийн хуулбар, цахим лавлагаа;
Албан тушаалд томилогдсон, чөлөөлөгдсөн тушаал, шийдвэрийн хуулбар;
Төрийн жинхэнэ албаны тангараг өргөсөн “Тангаргийн хуудас” хуулбар;
Сүүлийн гурван жилийн төрийн албан хаагчийн үйл ажиллагааны үр дүн, мэргэшлийн түвшнийг үнэлсэн илтгэх хуудас, төрийн жинхэнэ албан хаагчийн гүйцэтгэлийн төлөвлөгөөний үнэлгээ;
Цэргийн жинхэнэ алба хаах үүрэг хүлээсэн иргэний хувьд цэргийн үүрэгтний үнэмлэх;
Сахилгын шийтгэлтэй эсэх тодорхойлолт
Иргэний эрүүгийн хариуцлага хүлээж байсан эсэх тухай тодорхойлолт /e-mongolia–аас татан авах/.

Материал хүлээн авах:

Хугацаа: 2024 оны 10 сарын 28-ны өдрийн 09:00 цаг хүртэл
Хүлээн авах хаяг: odonchimeg@moe.gov.mn цахим шуудангаар
Холбоо барих утас: 51-266131

Боловсролын яамны Төрийн захиргааны удирдлагын газар

Шилжүүлэх, сэлгэн ажиллуулах ажлын байрны жагсаалт /гүйцэтгэх/

№	Дотоод нэгж	Албан тушаал	Албан тушаалын		Албан тушаалын тодорхойлолтод заасан тусгай шаардлага
№	Дотоод нэгж	Албан тушаал	төрөл	Ангилал, зэрэглэл	Боловсрол	Мэргэжил	Мэргэшил	Туршлага
1.	Санхүү хөрөнгө оруулалтын газар	Төсвийн ерөнхийлөн захирагчийн төсвийн багцын санхүүжилт, тайлагналт, бүртгэл хариуцсан ахлах шинжээч бөгөөд төсвийн ерөнхий нягтлан бодогч	Гүйцэтгэх	Ахлах түшмэл ТЗ-4	Бакалавр ба түүнээс дээш боловсролын зэрэгтэй	Нягтлан бодох бүртгэл /0411/.	Төрийн албан хаагчийн дунд хугацааны сургалтад хамрагдаж, төгссөн байх. Мэргэшсэн нягтлан бодогч байх.	Төрийн албанд 6-аас доошгүй жил, үүнээс дэс түшмэлийн албан тушаалд 3-аас доошгүй жил ажилласан байх; Хөгжлийн бэрхшээлтэй иргэний хувьд төрийн албанд 3-аас доошгүй жил ажилласан байх; Нягтлан бодогчоор 7-оос доошгүй жил ажилласан байх.
2.	Гадаад хамтын ажиллагааны газар	Сургуулийн өмнөх болон ерөнхий боловсролын салбарын гадаад харилцаа, хамтын ажиллагаа, төлөвлөлт, тайлагналт хариуцсан шинжээч	Гүйцэтгэх	Ахлах түшмэл ТЗ-5	Бакалавр ба түүнээс дээш боловсролын зэрэгтэй	Олон улсын харилцаа /022204/, гадаад хэлний орчуулга /023101/, гадаад хэл, хэл шинжлэл /023202/, багш, гадаад хэлний боловсрол /011409/ бизнесийн удирдлага /041301/.	Төрийн албан хаагчийн дунд хугацааны сургалтад хамрагдаж, төгссөн байх.	Төрийн албанд 6-аас доошгүй жил, үүнээс дэс түшмэлийн албан тушаалд 3-аас доошгүй жил ажилласан байх; Хөгжлийн бэрхшээлтэй иргэний хувьд төрийн албанд 3-аас доошгүй жил ажилласан байх.
3.	Санхүүгийн хэлтэс	Ерөнхий боловсролын салбарын төсөв, санхүүгийн бодлого, төлөвлөлт, эдийн засгийн шинжилгээ хариуцсан шинжээч	Гүйцэтгэх	Ахлах түшмэл ТЗ-5	Бакалавр ба түүнээс дээш боловсролын зэрэгтэй	Эдийн засаг /0311/; нягтлан бодох бүртгэл /0411/; санхүү /0412/.	Төрийн албан хаагчийн дунд хугацааны сургалтад хамрагдаж, төгссөн байх.	Төрийн албанд 6-аас доошгүй жил, үүнээс дэс түшмэлийн албан тушаалд 3-аас доошгүй жил ажилласан байх; Хөгжлийн бэрхшээлтэй иргэний хувьд төрийн албанд 3-аас доошгүй жил ажилласан байх.