Хосолсон сургалтыг нэвтрүүлэхэд сурагч, эцэг эх, асран хамгаалагч, багш нарын оролцоог нэмэгдүүлэх, дэмжлэг үзүүлэх зорилготой Цахим контентын уралдаан зарлалаа. “Тэгш боломжийг бүрдүүлэх замаар суралцахуйг дэмжих - EQUAL” төслийн зорилтот 85 сургуулиас сонгогдсон 255 багш өөрийн хичээлд хосолсон сургалтын тодорхой загваруудыг турших бөгөөд сайн туршлагаа бусад багшид түгээн дэлгэрүүлэх, хосолсон сургалтын туршилтад хамрагдаж чадахгүй байгаа сурагчид, тэдгээрийн эцэг, эх асран хамгаалагчдын оролцоог нэмэгдүүлэх, сургалтын үед хүүхдээ хэрхэн дэмжих, зөвлөмж, зааварчилгааг хүргүүлэхэд уралдааны зорилго оршино.
