Мэргэжлийн болон техникийн боловсрол, сургалтын (МТБС) 35 байгууллагын нийгмийн түншлэл, үйлдвэрлэлийн сургалт хариуцсан арга зүйчдэд зориулсан чадавхжуулах сургалт амжилттай зохион байгуулагдлаа. Уг сургалт нь Холбооны Бүгд Найрамдах Герман Улсын Эдийн засгийн хамтын ажиллагаа, хөгжлийн яам (BMZ), Австрали Улсын Гадаад хэрэг, худалдааны яам (DFAT)-ны хамтарсан санхүүжилттэй, Германы Олон Улсын Хамтын Ажиллагааны Нийгэмлэг (GIZ)-ийн хэрэгжүүлж буй “Түншлэлд суурилсан техникийн болон мэргэжлийн боловсрол, сургалт – II төсөл”-ийн дэмжлэгтэйгээр зохион байгуулагдсан юм.

ГОВИЙН БҮСИЙН ЗӨВЛӨЛИЙН АНХДУГААР ХУРАЛДААН АМЖИЛТТАЙ БОЛЛОО

Боловсролын зээлийн сан нь хөгжлийн бэрхшээлтэй иргэдийн дээд боловсрол эзэмших тэгш боломжийг хангах, эдийн засгийн хүндрэлгүйгээр суралцах нөхцөлийг бүрдүүлэх зорилгоор санхүүгийн дэмжлэг үзүүлэх сонгон шалгаруулалтыг  хууль тогтоомжийн дагуу зарлаж байна.

Дэлхийн Цахим Боловсролын Чуулга уулзалт (WDEC) “Боловсролын хөгжил ба шинэчлэл: Оюун ухааны эрин үе” сэдвийн дор БНХАУ-ын Ухань хотноо өнөөдөр эхэллээ. Чуулга уулзалтад Боловсролын сайд П.Наранбаяр оролцож байна. Энэхүү чуулга уулзалт нь дэлхийн улс орнуудын боловсролын салбарт тулгамдаж буй асуудлыг хэлэлцэх, цахим шилжилтийг дэмжих, туршлага солилцох зорилготой юм. “Сургалт—Суралцахуй—Удирдлага—Үнэлгээ—Судалгаа” зэрэг боловсролын бүх түвшинд дижитал шийдэл, технологийг хэрхэн үр дүнтэй нэвтрүүлэх талаар оролцогч талууд хэлэлцэх юм.

Боловсролын сайд П.Наранбаяр Дорноговь аймгийн Насан туршийн боловсролын төв болон АШУҮИС-ийн Дорноговь аймаг дахь салбар Анагаах ухааны сургуулийн үйл ажиллагаатай танилцлаа. Насан туршийн боловсролын төвийн захирал Н.Насанжаргал “Манай төв гоо зүй, амьдрах ухаан, үндэсний бичиг, мэдээллийн технологийн гэсэн дөрвөн орон тооны багштай ч гэр бүлийн боловсрол, амьдрах ухаан, санхүүгийн боловсрол, хувь хүний хөгжил, ёс зүйн төлөвшил, иргэний боловсрол гээд арваад чиглэлээр мэргэжлийн хүмүүсийг урьж оролцуулан хичээл заалгадаг. Өнгөрсөн онд манай сургалтуудад нийт 34 мянга гаруй иргэн хамрагдсан байна” гэсэн юм

Боловсролын сайд П.Наранбаяр Дорноговь аймагт ажиллах үеэрээ аймгийн боловсрол, сургалтын байгууллагын багш, ажилтантай уулзаж “Боловсролын салбарт 2024-2028 онд баримтлах бодлого, хэрэгжилт” сэдвээр илтгэл тавин ярилцлаа. Тэрбээр илтгэлдээ “2025 оны улсын төсвийн хүрээнд Говийн бүсэд нийт 55.8 тэрбум төгрөгийн өртөг бүхий 9 хөрөнгө оруулалтын төсөл хэрэгжиж байна. Үүнээс Дорноговь аймагт 32.1 тэрбум төгрөгийн өртөгтэй төслүүд хэрэгжиж байна.

Төрийн албаны зөвлөлийн Боловсролын яамны дэргэдэх Салбар зөвлөлөөс “Шинэтгэлээр түүчээлсэн салбар зөвлөл” аяны хүрээнд боловсролын салбарын хүний нөөцийн “EDU-HR” клубын гишүүдэд зориулсан манлайллын 10 ур чадварыг эзэмшүүлэх сургалт зохион байгууллаа. Сургалтаар удирдлагын манлайлал, харилцаа, асуудал шийдвэрлэх арга барил зэрэг чадамжуудыг онол, практик хослуулан заасан агаад оролцогчид багаар ажиллах, бүтээлч сэтгэлгээ хөгжүүлэх дасгал, хэлэлцүүлэгт идэвхтэй оролцсон байна.

Тайландын Эрхэмсэг гүнж Маха Чакригийн 60 насны ойг тохиолдуулан 2015 оноос хойш хоёр жил тутам Зүүн Өмнөд Азийн орнууд болон Тимор-Лестед “Эрхэмсэг гүнж Маха Чакригийн нэрэмжит шагнал” олгож ирсэн. Тус шагнал нь боловсролын салбарт тууштай зүтгэсэн, хүүхдүүдийн амьдралд бодит нөлөө үзүүлсэн багш нарыг хүндэтгэн алдаршуулах, тэдний мэргэжлийн хөгжил, олон улсын хамтын ажиллагааг дэмжих зорилготой. 2025 оноос эхлэн тус шагналын хамрах хүрээг өргөжүүлж, анх удаа Бангладеш, Бутан, Монгол Улс багтсан байна. Монгол Улсаас "Энэрэл" мэргэжлийн боловсролын сургуулийн сургалтын менежер А.Уянгыг нэр дэвшүүлж, шагнал олгохоор шийдвэрлэсэнээ энэ оны 4 дүгээр сард албан ёсоор мэдэгдсэн юм. Тэрбээр Эрхэмсэг гүнжээс энэ оны 10дугаар сарын 15-нд шагналаа гардан авна.

“2025 оны Монгол хэл бичгийн шалгалтад нийт 83374 шалгуулагч хамрагдлаа. Өнгөрсөн жил буюу 2024 оны хавар 33361 сурагч энэ шалгалтыг өгч байсан юм. Энэ жилийн хувьд 12 дугаар ангийн сурагчдаас гадна 10, 11 дүгээр ангийн сурагчид Монгол хэл бичгийн шалгалтыг өгөх боломжтой болсноороо онцлог байлаа. Мөн монгол хэл бичгийн шалгалтын батламж хуудасны хүчинтэй хугацаанд өөрчлөлт оруулж, хэрэв тэнцсэн бол шалгалтын үр дүн оноо насан туршид нь хүчинтэй байхаар болголоо” гэж Боловсролын үнэлгээний төвийн захирал Г.Гантуяа ярилаа.

Боловсролын сайд П.Наранбаяр Германы олон улсын хамтын ажиллагааны нийгэмлэгийн төслийн зөвлөх Б.Сарнай болон Хот байгуулалт, барилга, орон сууцжуулалтын яамны төлөөлөлтэй уулзлаа. Монгол Улс Парисын хэлэлцээрээр хүлэээсэн хүлэмжийн хийн ялгаралыг бууруулах зорилтыг хэрэгжүүлэх ажлын хүрээнд төрийн өмчит сургууль, цэцэрлэгийн барилгын дулаан алдагдлыг бууруулах, дулаан техникийн шинэчлэлийг хэрэгжүүлэх арга хэмжээг тусгах асуудлаар санал солилцлоо.

росын Холбооны Улсын Эрхүүгийн Үндэсний судалгааны техникийн их сургууль (ИРНИТУ)-д 30 хүртэлх Монгол иргэнийг цахилгаан эрчим хүч, дулаан хангамжийн чиглэлээр бакалаврын хөтөлбөрт сонгон шалгаруулна. Эрхүүгийн Үндэсний судалгааны техникийн их сургууль (ИРНИТУ) нь эрчим хүчний чиглэлээр Оросын Холбооны Улсын тэргүүлэгч их сургуулиудын нэг бөгөөд инженерийн шинжлэх ухааны чиглэлээр дэлхийд 1251+ эрэмбэлэгдэж (Times Higher Education World University Rankings 2025) байна.

2026 оныг “Боловсролыг дэмжих жил” болгон зарласан нь боловсролын салбарыг төрийн бодлогын тэргүүлэх чиглэл болгож буйн тод илрэл юм. Хүүхдийн ирээдүйн баталгаа болсон боловсролын салбарын бодлого, төлөвлөлт, хэрэгжилтээс хүлээгдэж буй үр дүн, шинэчлэлийн талаар ард түмний төлөөлөл болсон Улсын Их Хурлын гишүүд байр сууриа илэрхийлж байна. УИХ-ын Боловсрол,соёл, шинжлэх ухаан, спортын байнгын хорооны дарга, УИХ-ын гишүүн Ч.Ундрам.

Монгол Улсаас ОХУ-ын Эрхүү хотод суугаа Ерөнхий консулын газар 2025 оны 05 дугаар сарын 04-ний өдөр “Үндэсний бичиг үсгийн баяр”-ын өдрийг тэмдэглэн өнгөрүүллээ. “Үндэсний бичиг үсгийн баяр”-ыг энэ жил 22 дахь удаагаа тэмдэглэж буй бөгөөд тус арга хэмжээнд Ерөнхий консулын газрын хариуцсан бүсийн их, дээд сургуулиудад сурч буй монгол, буриад оюутнууд болон Монголын соёл, бичиг үсгийг сонирхогч Оросын иргэд өргөнөөр оролцжээ.

Монгол Улсын Боловсролын яам, Бүгд Найрамдах Солонгос Улсын Илвүү сангийн хамтын ажиллагааны хүрээнд бакалаврын түвшинд хоёр иргэнийг суралцуулахаар болсон юм.

"Элсэлтийн шалгалт-2025"-ын математикийн хичээлийн нээлттэй даалгаврууд нийтлэгдлээ. Энэ удаагийн элсэлтийн шалгалтыг эдгээр нээлттэй 1000 даалгавраас сонгон авна. Нээлттэй даалгавраас блюпринтийн дагуу шууд сонгож буй нь анхны тохиолдол бөгөөд эдгээр мянган бодлогыг бодсон байхад сурагчид математикт шаардлагатай мэдлэг, чадвараа олж авах боломж бүрэн нээгдэнэ.