Боловсролын яамны Төрийн нарийн бичгийн дарга Х.Батжаргал Австралийн Хүүхдийг ивээх сангийн Корпорацын түншлэлийн менежер Жэсон Тайдер, Японы Хүүхдийг ивээх сангийн Монгол дахь менежер, Суурин төлөөлөгч Л.Баян-Алтай нарыг хүлээн авч уулзлаа.
Уулзалтаар хамтын ажиллагааны санал солилцож, төр, хувийн хэвшил, төрийн бус байгууллага гэсэн гуравласан түншлэлээр Монгол Улсын боловсролын салбарыг дэмжих төсөл хэрэгжүүлэх боломжийн талаар ярилцан, уг санаачилгыг бусад төсөл хөтөлбөр, түнш байгууллагуудын хамтын ажиллагаатай уялдуулж, нэгтгэх чиглэлд шийдэл боловсруулахаар тогтов.
Түүнчлэн өнгөрсөн оны сүүлчээр Австралийн эрх баригчид "Онлайн аюулгүй байдлын тухай хуульд нэмэлт, өөрчлөлт оруулах (Нийгмийн сүлжээний насны доод хязгаар) тухай" хуулийг баталсан, нийгмийн цахим сүлжээнд 16 хүртэлх насны хүүхдийн оролцоог зохицуулах судалгааг Монгол Улсын Боловсролын яамнаас эхлүүлсэн талаар яриа өрнүүлж, энэ чиглэлд хамтран ажиллах тухай санал солилцлоо.
Ташрамд, Австралийн Хүүхдийг ивээх сан болон Японы Хүүхдийг ивээх сан нь “Боловсролын төлөөх дэлхийн түншлэл” /GPE/ олон улсын байгууллагын санхүүжилтээр Монгол Улсын боловсролын салбарт хэрэгжиж буй “Тэгш боломжийг бүрдүүлэх замаар суралцахуйг дэмжих” /EQUAL/ төслийн санхүүгийн зохицуулагчаар ажилладаг.
