ТӨРИЙН ЖИНХЭНЭ АЛБАН ХААГЧИЙГ ШИЛЖҮҮЛЭХ, СЭЛГЭН АЖИЛЛУУЛАХ ТУХАЙ ЗАР

БОЛОВСРОЛЫН ЯАМ

ТӨРИЙН ЖИНХЭНЭ АЛБАН ХААГЧИЙГ СЭЛГЭН БОЛОН ШИЛЖҮҮЛЭН

Төрийн албаны зөвлөлийн 2023 оны 25 дугаар тогтоолоор батлагдсан “Төрийн албаны шалгалт өгөх болзол болон шатлан дэвшүүлэх, сонгон шалгаруулах журам-ын 4 дүгээр зүйлийн 4.2-т заасны дагуу Боловсролын яамны дараах сул орон тоонд байгууллагын нэгж дотор болон төрийн бусад байгууллагаас сэлгэн, шилжин ажиллах хүсэлтэй, зарлагдсан албан тушаалын тусгай шаардлагыг хангаж байгаа албан хаагч холбогдох баримт бичгийг цахим шуудангаар ирүүлнэ үү.

Тавигдах шаардлага:

-Төрийн жинхэнэ албан тушаалд зохих ёсоор томилогдсон байх;

-Зарлаж буй албан тушаалтай адил төрөл, адил ангилалд ажилладаг байх;

-Зарлагдсан сул орон тооны албан тушаалын тодорхойлолтод заасан тусгай шаардлагыг хангасан байх.

Бүрдүүлэх баримт бичиг:

-Хүсэлт;

-Төрийн албан хаагчийн анкет (ТАЗ-ийн 2025 оны 521 дүгээр тогтоолын 1 дүгээр хавсралтын дагуу);

-Иргэний үнэмлэхийн хуулбар;

-Боловсролын түвшнийг тодорхойлсон баримт бичиг (диплом), хэрэв гадаад улсад их дээд сургууль төгссөн бол боловсролын баримт бичгийн баталгаат орчуулгыг заавал хавсаргах;

-Нийгмийн даатгалын дэвтэр (хөдөлмөрийн дэвтэр)-ийн хуулбар, НДШ төлөлтийн цахим лавлагаа;

-Албан тушаалд томилогдсон, чөлөөлөгдсөн тушаал шийдвэрийн  хуулбарууд;

-Төрийн албан хаагчийн ерөнхий болон тусгай шалгалт өгснийг нотлох баримт (Төрийн албаны зөвлөл, салбар зөвлөлөөс нэр дэвшүүлсэн тогтоол);

-Төрийн жинхэнэ албаны тангараг өргөсөн тангаргийн хуулбар;

-Төрийн албан хаагчийн үйл ажиллагааны үр дүн, мэргэшлийн түвшнийг үнэлсэн сүүлийн 3 удаагийн илтгэх хуудас;

-Цэргийн жинхэнэ алба хаах үүрэг хүлээсэн иргэний хувьд цэргийн үүрэгтний үнэмлэх;

-Сахилгын шийтгэлтэй эсэх тухай тодорхойлолт;

-Иргэний эрүүгийн хариуцлага хүлээж байсан эсэх тухай тодорхойлолт  (E-Mongolia-аас татаж авах).

Материал хүлээн авах:

Хугацаа: 2026.02.09-ний өдрийн 17:00 цаг хүртэл

Хүлээн авах цахим шуудан: Tunamalerdene@moe.gov.mn

Холбоо барих утас: 51-266131