Боловсрол, шинжлэх ухааны сайдын тушаалаар ажлын хэсэг байгуулан ажиллаж сургуулийн өмнөх боловсрол, ерөнхий боловсролын сургууль, дээд боловсрол сургалтын байгууллагад цар тахлын үед сургалтын төлбөрийн уян хатан зохицуулалт хийх, хөнгөлөлт үзүүлэх боломж болон хувьсах зардал олгох судалгаа, санал дүгнэлтэд үндэслэсэн тодорхой шийдвэрүүдийг гаргасан.

ШУТИС-ийн уул уурхайн геотехникийн инженерээр төгсөгчид Оюутолгой ХХК болон Рио Тинто компанийн үйл ажиллагаагаа явуулдаг 35 улс дахь гүний уурхайд ажиллах боломж бүрдэж байна. Өнөөдрийн байдлаар 25 оюутан тус мэргэжлээр суралцаж байна.

АШУҮИС-ийн эрдэмтэд Мюнхений технологийн их сургууль, Японы Каназава их сургуулийн эрдэмтэдтэй хамтран шүлснээс коронавирус илрүүлэх шинэ оношлуур бүтээж хэрэглээнд нэвтрүүллээ. Инновацын шинэ бүтээлийг хийхэд БШУЯ 47 сая төгрөгийн санхүүжилтийг олгосон юм.

Боловсрол, шинжлэх ухааны сайдын 2021 оны "Цэцэрлэгийн туслах багш бэлтгэх зарим арга хэмжээний тухай" А/132 дугаар тушаал