ГОВИЙН БҮСИЙН ЗӨВЛӨЛИЙН АНХДУГААР ХУРАЛДААН АМЖИЛТТАЙ БОЛЛОО

Боловсролын сайд П.Наранбаяр Дорноговь аймгийн Насан туршийн боловсролын төв болон АШУҮИС-ийн Дорноговь аймаг дахь салбар Анагаах ухааны сургуулийн үйл ажиллагаатай танилцлаа. Насан туршийн боловсролын төвийн захирал Н.Насанжаргал “Манай төв гоо зүй, амьдрах ухаан, үндэсний бичиг, мэдээллийн технологийн гэсэн дөрвөн орон тооны багштай ч гэр бүлийн боловсрол, амьдрах ухаан, санхүүгийн боловсрол, хувь хүний хөгжил, ёс зүйн төлөвшил, иргэний боловсрол гээд арваад чиглэлээр мэргэжлийн хүмүүсийг урьж оролцуулан хичээл заалгадаг. Өнгөрсөн онд манай сургалтуудад нийт 34 мянга гаруй иргэн хамрагдсан байна” гэсэн юм

БОЛОВСРОЛЫН САЛБАРТ ӨРНӨСӨН ОНЦЛОХ ҮЙЛ ЯВДЛЫН МЭДЭЭЛЛИЙГ ТОЙМЛОН ХҮРГЭЖ БАЙНА (2025.04.15-2025.04.30)

Засгийн газрын өнөөдрийн хуралдаанаар “Дээд боловсролын байгууллагын суралцагчдад тэтгэлэг, зээл, буцалтгүй тусламж, дэмжлэг үзүүлэх журам”-ыг шинэчлэн баталж, тогтоол гаргалаа.

Боловсролын яам Азийн сантай бага насны хүүхдийн боловсрол, хөгжлийг номоор дамжуулан дэмжих зорилгоор “Хамтдаа уншицгаая” төслийн хүрээнд хамтран ажиллах санамж бичигт Боловсролын сайд П.Наранбаяр, Азийн сангийн Монгол дахь Суурин төлөөлөгч Сара Тэйлор нар гарын үсэг зурлаа.

Боловсролын яам, Цахим хөгжил, инновац, харилцаа холбооны яам хамтран зохион байгуулж оролцлоо. 9 их дээд сургуулийн 13 баг тамирчид монголчуудын зохиосон сагсан бөмбөгийн дүрмээр өрсөлдөв. Эн тэнцүү, хүчтэй өрсөлдөөний эцэст гуравдугаар байрт ШУТИС-ийн Эрчим хүчний сургуулийн “Эрчим” баг, дэд байрт Шинжлэх ухаан, технологийн их сургуулийн Мэдээлэл, холбооны технологийн сургуулийн “HICH TECH” баг, ялагчаар Шинжлэх ухаан, технологийн их сургуулийн Мэдээлэл, холбооны технологийн сургуулийн “Түвшин Электроникс” баг тодорч багууд Олон Улсын тэмцээнд орох эрхээ авлаа.

Күмон нь дэлхийн 63 оронд сургалтын үйл ажиллагаа явуулдаг, хүүхэд тус бүрд түвшинд нь тохирсон сургалт, явуулж чадахаасаа эхлээд алхам алхмаар ахих ахицаар нь үнэлдэг онцлогтой Японд алдартай хөтөлбөр юм.

ХБНГУ-ын Магадлан итгэмжлэл, гэрчилгээжүүлэлт, чанарын баталгаажуулалтын байгууллага (ACQUIN), Боловсролын Магадлан Итгэмжлэх Үндэсний Зөвлөл (БМИҮЗ) хамтран БМИҮЗ-ийн үндэсний шинжээчийн санд бүртгэлтэй, олон улсын шинжээчид тавигдах шаардлагыг хангасан 55 шинжээчийг хамруулан, олон улсын шинжээчийн эрх бүхий сургалтыг зохион байгуулсан юм.

Бие даалтын 7 хоног нийслэлд 2025 оны 03 дугаар сарын 31-ний өдрөөс өнөөдрийг хүртэл үргэлжиллээ. Сургалтын үйл ажиллагааг танхим болон цахим хосолсон хэлбэрээр түүнчлэн бие даан судалж танин мэдэх, биет байдлаар дасгал сургуулилт хийх зэргээр зохион байгуулсан Үүнд төвийн дүүргийн сургуулийн 2000 орчим суралцагч ОБЕГ-ын харьяа Гамшгаас хамгаалах сургалтын төв 116 дугаар ангид “Гамшгаас хамгаалах анхан шатны сургалт”-д хамрагдсан байна.

ЮНЕСКО-ийн Суралцагч хотуудын дэлхийн сүлжээнд нэгдэхэд дэмжлэг үзүүлж, оролцогч талуудын чадавхыг нэмэгдүүлэх зорилгоор “Насан туршийн суралцахуйн салбар чадавх бэхжүүлэх сургалт” зохион байгуулагдаж байна.

“Сургуульд суурилсан эрт илрүүлгийн тогтолцоог сайжруулах бодлого”-ын хүрээнд Нийслэлийн ЕБС-ийн нэгдүгээр анги буюу 6 настны нүд, шүд, зүрхний эрт илрүүлгийн үзлэг 2024 оны 4 дүгээр улирлаас эхэлж, өнөөдрийн байдлаар нийт 40,749 хүүхдийн 89% нь хамрагдсан байна.

Өнөөдрийн Засгийн газрын хуралдааны шийдвэрээр 2026 оныг “Боловсролыг дэмжих жил” болгон зарлахаар боллоо. “2026 оныг Боловсролын жил болгон зарласнаар бид боловсролыг улсын хөгжлийн тэргүүлэх салбар болгон үзэж, хөрөнгө оруулалтыг төвлөрүүлэх болно. Боловсролд хийж буй хөрөнгө оруулалт бол ирээдүйд хийж байгаа хөрөнгө оруулалт, амьдралын чанарыг сайжруулахад чиглэсэн хөрөнгө оруулалт юм”гэж Боловсролын сайд П.Наранбаяр онцоллоо. Энэхүү шийдвэрийг Ерөнхий сайдын санаачилгаар Засгийн газрын гишүүд санал нэгтэйгээр дэмжин гаргажээ.

Засгийн газрын тогтоолын хүрээнд АШУҮИС-ийн харьяа Хангайн бүсийн “Сувилахуйн сургалт, эрдэм шинжилгээ, эрүүл мэндийн тусламж, үйлчилгээний цогцолбор” болгон хөгжүүлэхээр болж, Боловсролын яамны Төрийн нарийн бичгийн дарга Х.Батжаргал, Архангай аймгийн Засаг дарга Б.Цэрэннадмид, АШУҮИС-ийн захирал Б.Дамдиндорж нар хамтран ажиллах гэрээ байгууллаа.

Боловсролын яамны харьяа “Инженер, технологийн дээд боловсрол” төсөл12 дахь жилдээ амжилттай хэрэгжиж нийт 1000 оюутан, багш, судлаачийг Япон улсад суралцуулахаар төлөвлөснөөс өнөөдрийн байдлаар Бакалаврын хамтарсан хөтөлбөрөөр 292, Коосэн хөтөлбөрөөр 177, Магистр 37, Доктор 104, Зэргийн бус богино хугацааны сургалтаар 488, нийтдээ 1098 оюутан, багш судлаач хамрагдсанаас 1035 нь суралцаж төгсөн, эх орондоо ажиллаж байна.