ЮНЕСКО-ийн Суралцагч хотуудын дэлхийн сүлжээнд нэгдэхэд дэмжлэг үзүүлж, оролцогч талуудын чадавхыг нэмэгдүүлэх зорилгоор “Насан туршийн суралцахуйн салбар чадавх бэхжүүлэх сургалт” зохион байгуулагдаж байна.
Суралцагч хот (Learning city) гэх нэр томьёо нь бусад улс орнуудын насан туршийн суралцахуйн асуудалд 2010-аад оноос эхлэн ашиглагдаж эхэлснээр одоогоор дэлхийн 356 хот ЮНЕСКО-ийн Суралцагч хотуудын дэлхийн сүлжээнд нэгдсэн байна.
Манай улсын хувьд суралцагч хотуудыг байгуулах нь насан туршийн боловсролын хүртээмж, оролцоог нэмэгдүүлж, илүү тогтвортой амьдрах орчныг бий болгоход хувь нэмрээ оруулж, илүү үр дүнтэй болох юм.
Уг сургалтыг Боловсролын яам, ЮНЕСКО-ийн Монголын үндэсний комисс (МҮК) болон ЮНЕСКО-ийн Зүүн Ази дахь төлөөлөгчийн газартай хамтран зохион байгуулж, Боловсролын яамны Насан туршийн суралцахуйн хэлтэс, Боловсролын ерөнхий газрын Насан туршийн боловсролын хэлтэс, Аймаг, дүүргийн Насан туршийн суралцахуйн төвийн захирал, сургалтын менежерүүд, орон нутгийн удирдлагууд оролцож байна.
