Боловсролын сургалтын байгууллагууд гадаад иргэнийг Монгол Улсад багшаар ажиллуулах хүсэлтээ E-Business системээр дамжуулан цахимаар илгээж, хүсэлтийн дүнд Боловсролын яамнаас олгодог дэмжих бичгийг мөн цахимаар хүлээн авах боломжтой боллоо.
Иймд та бүхэн хүсэлтээ E-Business системээр дамжуулан бидэнд илгээхийг хүсье.
ГАДААД БАГШ, МЭРГЭЖИЛТЭН АЖИЛЛУУЛАХАД БҮРДҮҮЛЭХ БАРИМТ БИЧГИЙН ЖАГСААЛТ:
- Гадаад иргэний паспортын хуулбар
- Гадаад багш, мэргэжилтний багшийн мэргэжлээр дээд боловсрол эзэмшсэнийг нотлох дипломын хуулбар, орчуулга (курс, дамжааны сертификат, гэрчилгээг хүлээн авахгүй)
- Бусад боловсролын баримт бичгийн хуулбар, орчуулга
- Гадаад багш, мэргэжилтэнтэй байгуулсан хөдөлмөрийн гэрээ (албан тушаал, заах хичээлийн нэр, цагийн ачааллыг тодорхой тусгасан байх, гадаад хэлээр бол монгол хэлээрх баталгаат орчуулгыг заавал хавсаргах)
- Сунгуулах гэж байгаа тохиолдолд Монгол Улсад оршин суух үнэмлэхний хуулбар
- Сүүлийн 6 сарын дотор хийлгэсэн эрүүл мэндийн шинжилгээний бичиг (ХДХВ, ДОХ, амьсгалын замын гэх мэт халдварт өвчний шинжилгээг заавал өгсөн байх)
- Өмнө нь ажиллаж байсан байгууллагын тодорхойлолт, намтар
Анхаарах зүйлс:
- Зөвхөн Боловсролын яамнаас сургалт эрхлэх тусгай зөвшөөрөл олгосон боловсролын сургалтын байгууллагад олгоно. Сургалтын төв, гадаад хэлний курс, дамжаа хамаарахгүй.
- Хөдөлмөрийн гэрээнд албан тушаалыг заавал, тодорхой тусгасан байна.
- Гадаад хэлээрх баримт бичгүүдийн монгол хэлээрх баталгаат орчуулгыг заавал илгээнэ.
- Хүсэлтийг ажлын 5 хоногт судалж, шийдвэрлэнэ.
- Шаардлагатай бол нэмэлт баримт бичиг шаардах бөгөөд бичиг баримтын бүрдэл, нэмэлт бичиг баримтыг ирүүлэх хугацаанаас шалтгаалан хүсэлт судлагдан, шийдвэрлэгдэх хугацаа өөрчлөгдөх боломжтой.
