Боловсролын сайд П.Наранбаяр Монголын Улаан Загалмай Нийгэмлэгийн үйл ажиллагаатай танилцаж, улаан загалмайч хүүхдүүдтэй уулзлаа.
Монголын Улаан загалмай нийгэмлэгийн Ерөнхий нарийн бичгийн дарга Н.Болормаа “Манай байгууллага нь жаран зургаан жилийн түүхтэй бөгөөд хүүхэд, залуучуудад үе тэнгийнхнээсээ суралцах, нөхөрлөх, бусдад туслах, хөгжих боломжийг бүрдүүлсэн хүмүүнлэгийн үйл ажиллагаа, гамшиг ослоос урьдчилан сэргийлэх, даван туулах, эрүүл мэндийн анхны тусламж үзүүлэх чадвар болон хөгжлийн бусад сургалтыг олгодог. Цаашид ч энэ чиглэлээр Боловсролын яамтай хамтран ажиллахад бэлэн байна” гэв.
Сурагчдад хүмүүнлэгийн боловсрол олгох сургалтыг үйл ажиллагааныхаа нэг хэсэг болгон цаашид тогтмол явуулах шаардлагатайг Боловсролын сайд П.Наранбаяр онцоллоо.
