Боловсрол, шинжлэх ухааны яам (“Захиалагч”) нь Дэлхийн банкны хөнгөлөлттэй зээлээр хэрэгжүүлж буй “Боловсролын чанарын шинэчлэл” төслийн хүрээнд эрх бүхий тендерт оролцогчдоос “Төслийн эцсийн тайлан боловсруулах” зөвлөхийн сонгон шалгаруулалтад хүсэлт ирүүлэхийг урьсан. 2022 оны 6 дугаар сарын 21-ний өдөр дараахь хувь хүнд гэрээ байгуулах эрх олгосон.

Боловсрол, шинжлэх ухааны яам (“Захиалагч”) нь Дэлхийн банкны хөнгөлөлттэй зээлээр хэрэгжүүлж буй “Боловсролын чанарын шинэчлэл” төслийн хүрээнд эрх бүхий тендерт оролцогчдоос “Боловсролын үнэлгээний төвийн мэдээллийн аюулгүй байдлыг сайжруулахад шаардлагатай тоног төхөөрөмж” нийлүүлэх үнийн саналыг ирүүлэхийг урьсан. 2022 оны 6 дугаар сарын 21-ний өдөр дараах байгууллагад гэрээ байгуулах эрх олгосон.

Боловсрол, шинжлэх ухааны яамны Хууль, эрх зүйн хэлтсээс энэ сарын 20-24-ний өдрүүдэд “Эрх зүйн мэдлэг-7 хоног” аяныг зохион байгуулж байна. Энэ хүрээнд БШУЯ, БЕГ-ын албан хаагчдад эрх зүйн мэдлэг олгох, төрийн албаны эрх зүйн шийдвэрийг сурталчлан таниулах сургалтыг хоёр өдрийн турш зохион байгууллаа.

Үндэсний тагнуулын академийн докторант Бумнаран овогтой Батхишиг “Монгол Улсын төрийн нууцыг тогтоох, хамгаалах үндсэн асуудал” сэдвээр 2022 оны 06 дугаар сарын 27-ны өдөр Аюулгүй байдлын докторын зэрэг хаалттай хамгаална. Докторын зэрэг хамгаалуулах хурал ҮТА-ийн төв байрын 107 тоот танхимд 11 цагт болно.

Ирээдүйн боловсролыг дахин төлөвлөх, Тогтвортой хөгжлийн зорилт-4-ийн хэрэгжилтийг эрчимжүүлэх, сурлагын хоцрогдлыг арилгах зорилго бүхий “Хувьсаж буй боловсрол” үндэсний хэлэлцүүлэг салбар хэлэлцүүлгээр үргэлжилж байна.