Боловсролын ерөнхий хуулийн төслийн ажлын хэсэг Боловсрол, шинжлэх ухааны үе үеийн сайд, дэд сайд, Төрийн нарийн бичгийн дарга нартай хуулийн төслийн хэлэлцүүлэг өрнүүллээ.

Монгол Улсад орчин цагийн боловсролын салбар үүсэж хөгжсөний 100 жилийн ойн хүрээнд гэрэл зургийн үзэсгэлэнг өнөөдөр нээлээ. 1921 онд анхны ардын хүүхдийг сургах танхим байгуулагдсанаас эхлээд өнөөдрийг хүртэлх боловсролын салбарын түүхтэй танилцах боломж нээгдэж байна. Гэрэл зургийн үзэсгэлэн энэ сарын 25-ныг дуустал уран зургийн галерейд үргэлжилнэ.

Томуугийн улирал, Омикрон хувилбарын тархалт зэргээс сэргийлж сургуулийн өмнөх боловсролын байгууллагын үйл ажиллагааг ЕБС-ийн улирлын амралтын хугацаанд зогсоох шийдвэрийг гаргасан. Гэхдээ эрүүл мэнд, амь нас, аюулгүй байдал, хөгжих хэвийн орчин нь алдагдсан, эцэг эх, асран хамгаалагч, харгалзан дэмжигч нь гэр бүлийн орчинд харах боломжгүй хүүхдийг цэцэрлэгт нь үргэлжлүүлэн сургаж байна.

МУИС-ийн ШУС-ийн докторант Чимэддорж овогтой Болормаа “Монгол орны баруун бүсийн халуун рашааны гидрогеохимийн судалгаа” сэдвээр химийн ухааны доктор (Ph.D)-ын зэрэг хамгаална. Докторын зэрэг хамгаалах хурал 2022 оны 01 дүгээр сарын 04-ний өдрийн 14.00 цагт МУИС-ийн 1-р байрны Эрдмийн танхимд танхимд болно.