Нэгдүгээр улиралд 73 цэцэрлэг, 413 сургуульд халдвар бүртгэгдсэн байна. Үүнээс 1 тохиолдол бүртгэгдсэн цэцэрлэг 69, сургууль 332 байгаа нь боловсролын байгууллага халдварын голомт болохгүй байгааг, мөн 5/9 зарчим оновчтой хувилбар байсныг баталж байна.

Хувьсаж буй боловсрол дээд хэмжээний чуулга уулзалтын албан ёсны нээлт эхэллээ. 2030 он хүртэл боловсрол хэрхэн өөрчлөгдөхийг энэ танхимд цугласан төлөөлөгчид хэлэлцэнэ. Дээд хэмжээний чуулга уулзалтыг нээж НҮБ-ын Ерөнхий нарийн бичгийн дарга Антонио Гуттереш үг хэллээ. "Боловсрол бол дэлхий нийтийг өөрчлөх хамгийн хүчирхэг зэвсэг" гэдэгтэй улс орнууд санал нэгдэж байна. Монгол Улсын боловсрол, шинжлэх ухааны сайд үдээс хойш чуулганы индэр дээрээс үг хэлнэ.

“Нүүдэлчдийн шинэ нүүдэл” сэдвийн хүрээнд өрнөсөн Монголын тусгай арга хэмжээнд олон орон ач холбогдол өгч төлөөлөгчөө биечлэн оролцуулсан юм. Эдийн засгийн хувьд харьцангуй бэхжээгүй, хүн ам цөөн ч газар нутаг том учир тархан суурьшсан улсын иргэд боловсролын үйлчилгээг хэрхэн тасралтгүй зохион байгуулж байгаа нь сонирхол татсан тухай арга хэмжээний үеэр хэлж байлаа.

Хувьсаж буй боловсрол дээд хэмжээний чуулга уулзалтын хүрээнд Монгол Улс анх удаа тусгай арга хэмжээг зохион байгуулж боловсролын салбарт эхлүүлсэн, төлөвлөсөн “Шинэ нүүдэл”-ээ танилцууллаа. Дижитал шилжилт ба түншлэлээр дамжуулан суралцахуйг өөрчилж буй үйл явц, цаашдын төлөвлөгөөтэй танилцахаар олон улс орны боловсролын салбарын төлөөлөгч манай улсын арга хэмжээнд оролцов.

Дэлхийн улс орнуудын төрийн тэргүүнээс эхлээд парламент, засгийн газрын гишүүд Нэгдсэн үндэсний байгууллагын Ерөнхий ассамблейд оролцохоор Нью Йорк хотод цуглаж байна. НҮБ-ын төв байранд Их Британи, Умард Ирландын Нэгдсэн Вант Улсын цог жавхлант хатан хаан II Элизабетын дурсгалыг хүндэтгэх хэсгийг тусгайлан гаргасан байлаа. Боловсрол, шинжлэх ухааны сайд Л.Энх-Амгалан хатан хааны гэр бүл, ИБУИНВУ-ын ард түмэнд эмгэнэл илэрхийлж, түүний дурсгалыг хүндэтгэв

"Хувьсаж буй боловсрол" дээд хэмжээний чуулга уулзалт Нью Йорк хотноо нэгдсэн үндэсний байгууллагын төв байранд болж байна. Энэ үеэр "Цахим шилжилт болон түншлэлээр дамжуулан суралцахуйг өөрчлөх нь" сэдэвт тусгай арга хэмжээг манай улс зохион байгуулах юм. Монголын багийг Боловсрол, шинжлэх ухааны сайд ахалж байна. Арга хэмжээ Монголын цагаар өнөөдөр 22.00 цагт эхэлнэ.