Нийслэлийн тусгай хэрэгцээт боловсролын 55 дугаар сургууль энэ хичээлийн жилээс “Талх нарийн боов, бариста”- гийн анги шинээр хичээллүүлж эхэлсэн юм. Тус сургууль суурь боловсролоос гадна тогооч, цэцэрлэгч, зочид буудлын үйлчлэгч гэх зэрэг нарийн мэргэжлээр сурагчдаа давхар бэлтгэдэг. Сурагчдаа мэргэжлийн ур чадварт ийнхүү суралцуулж байгаа нь төгсөөд бие даан хөдөлмөр эрхлэх боломжийг олгож буйгаараа давуу талтай.