БШУЯ, Мэргэжлийн хяналтын байгууллагатай хамтран 8 сарын хугацаанд улсын хэмжээний СӨБ, ЕБС-ийн 59055 багш, удирдах ажилтны боловсролын баримт бичигт хяналт шинжилгээ үнэлгээ хийж, 724 зөрчил илрүүлж, хууль хяналтын байгууллагад шилжүүлэв. Дахин нягтлах шаардлагатай 2 мянга орчим баримт бичиг байна.

21 аймаг болон нийслэл, дүүргийн боловсролын газар, хэлтсийн мэргэжилтнүүд хоол үйлдвэрлэл, үйлчилгээний сургалтад хамрагдлаа. Сургалтын үеэр боловсролын салбарт хоол, хүнсний тухай хуулийг хэрэгжүүлэхэд тулгамдаж буй асуудал, орон нутгийн түвшинд шийдвэрлэсэн арга, сайн туршлага, асуудлыг шийдвэрлэх боломжийн талаар зөвлөлдөв.

2022 оны 8 дугаар сард 13 сургуулийн сургалтын үйл ажиллагааг зогсоож, 8 сургуулийг бусад сургуулийн харьяанд шилжүүлж нэгтгэлээ.

ШУТИС-ийн докторант Агваанцэрэн овогтой Цэцэгмаа “Автомашины дизель хөдөлгүүрийн хорт хаягдлыг бууруулах судалгаа (Нийтийн тээврийн автобусны жишээн дээр) сэдвээр доктор (Ph.D)-ын зэрэг хамгаална. Хамгаалуулах зөвлөлийн хурал 2023 оны 1 дүгээр сарын 05-ны 14 цагт ШУТИС-ийн Механик, тээврийн сургуулийн Эрдмийн зөвлөлийн 213 тоот танхимд болно.

Боловсрол, шинжлэх ухааны яам нь Дэлхийн банкны хөнгөлөлттэй зээлээр хэрэгжүүлж буй “Боловсролын чанарын шинэчлэл” төслийн хүрээнд “Сургуулийн тэтгэлэгт хөтөлбөрийн 5 дугаар шатны хэрэгжилтэд хөндлөнгийн хяналт хийх” зөвлөхийн үйлчилгээ үзүүлэх хүсэлтэй эрх бүхий этгээдийг мэдүүлгээ ирүүлэхийг урьсан. Энэхүү зөвлөх үйлчилгээг гүйцэтгүүлэхээр дараахь байгууллагад 2022 оны 12 дугаар сарын 26-ны өдөр гэрээ байгуулах эрх олгосон.