Боловсролын салбарын төсөв, санхүүгийн шинэчлэлийн хүрээнд анхан шатны нэгж дээр төсвийг хамт олны оролцоотой төлөвлөх, хуваарилах, зарцуулах чиглэлээр мэдээлэл, зөвлөмж өгөх уулзалт өнөөдрөөс эхэлж байна.

Монгол Улсын Ерөнхий сайдын нэрэмжит сургалтын тэтгэлгийн сонгон шалгаруулалтын дүнг БШУЯ-ны Төрийн нарийн бичгийн дарга Л.Цэдэвсүрэнгээр ахлуулсан ажлын хэсэг Ерөнхий сайд Л.Оюун-Эрдэнэд танилцууллаа.

СУИС-ийн докторант М.Батзориг "Монголын дүрслэх урлагийн модерн, контемпорари хандлагын шинжлэл" сэдвээр урлаг судлалын ухааны доктор (Ph.D) -ын зэрэг хамгаална. Докторын зэрэг хамгаалуулах зөвлөлийн хурал 2022 оны 6 сарын 3-ны 14.00 цагт СУИС-ийн төв байрны 222 тоот "Эрдмийн өргөө"-нд эхэлнэ. 

ШУТИС-ийн Барилга, Архитектурын сургуулийн докторант Буянхишигийн Басбиш “Суумтгай ул хөрсөнд бэхжүүлсэн хөрсөн буурь ба цутгамал шон суурь төсөллөх судалгаа (Дархан хотын геотехникийн нөхцөлийн жишээгээр)” сэдвээр техникийн ухааны доктор (Ph.D.)-ын зэрэг хамгаална. Хамгаалуулах зөвлөлийн хурал 2022 оны 5 дугаар сарын 30-ний өдрийн 14:00 цагт ШУТИС-ийн Шинжлэх ухаан технологийн (ШУТ) төв номын сангийн 604 тоот хурлын танхимд болно.

Боловсрол, шинжлэх ухааны сайд Л.Энх-Амгалан Мэргэжлийн боловсролын байгууллагын үйлдвэрчний эвлэлийн төлөөлөлтэй уулзлаа. Монгол Улсын хэмжээнд мэргэжлийн болон техникийн боловсрол, сургалтын 76 байгууллага бий. Эдгээр нь нийт 3944 багш, ажилтантай. Тэдний өмнө тулгамдаж буй асуудлыг сонсож, ямар бодлого, шийдвэрийг гарган ажиллаж байгаа талаар салбарын сайд болон холбогдох албаныхан мэдээлэл өгсөн юм.