Бүх нийтийг жендэрт суурилсан хүчирхийллээс урьдчилан сэргийлэх, таслан зогсоох, идэвхтэй байхыг уриалах, татан оролцуулах зорилготойгоор Жендэрийн үндэсний хорооноос төр, төрийн бус, олон улсын байгууллагуудтай хамтран жил бүр уламжлал болгон зохион байгуулдаг Жендэрт суурилсан хүчирхийлэлтэй тэмцэх 16 хоногийн аяныг энэ жил “Нандин бүхнээ хамгаалъя: Өөрийгөө, гэр бүлээ, орчин тойрноо” гэсэн уриатайгаар зохион байгуулж байна.

Их Эзэн Чингис хааны мэндэлсний 860 жилийн ойн хүрээнд Монгол Улсын Ерөнхийлөгчийн ивээл дор "Чингис хааны ертөнц ба Монгол судлал" цогц арга хэмжээг зохион байгуулав.

Авлигатай тэмцэх газрын Урьдчилан сэргийлэх, соён гэгээрүүлэх хэлтсээс авлигын эсрэг олон улсын өдрийг угтан “Байгалийн нөөц ашиглалт: Орлого ба зарлага” сэдэвт хэлэлцүүлгийг Байгаль орчин, аялал жуулчлалын яамтай хамтран зохион байгуулав.

Монгол Улсын Боловсролын Их Сургуулийн Нийгэм, хүмүүнлэгийн ухааны сургуулийн Нийгмийн ухааны тэнхимийн докторант Балдандорж овогтой Буд “Улс төр судлал дахь эх оронч үзлийн асуудал” сэдвээр Улс төр судлалын доктор (Ph.D)-ын зэрэг хамгаална. Хамгаалуулах зөвлөлийн хурал МУИС-ийн II байрны 220 тоот өрөөнд 2022 оны 12 дугаар сарын 20-ны өдрийн 14:30 цагт болно.  

Монгол Улсын Инновацийн тухай хуулийн 6 дугаар зүйлийн 6.1.5 дахь заалт, 16 дугаар зүйлийн 16.4.2 дахь заалт, Засгийн газрын 2020-2024 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөөний 2.4.1 дахь зорилтын 2 дахь арга хэмжээг тус тус үндэслэн “Технологи дамжуулах төв, эсхүл хамтын оффисд гишүүнчлэлээр бүртгүүлсэн гарааны компани болон программ хангамжийн үйлдвэрлэл, хөгжүүлэлтийн чиглэлээр үйл ажиллагаа явуулдаг аж ахуйн нэгжид татварын дэмжлэг үзүүлэх журам”-ын төслийг боловсруулан, Захиргааны тухай хуулийн 62 дугаар зүйлийн 62.1 дэх заалтын хүрээнд санал авахаар оруулж байна.

PISA нь суурь боловсрол эзэмшсэн 15 настай суралцагчид танхимаар олж авсан мэдлэг, чадвараа амьдрал дээр хэрхэн хэрэглэж байгаа, тухайн улсын боловсролын тогтолцоо энэ чадварыг ямар хэмжээнд олгож байгааг тандан судалдаг сурлагын амжилтын олон улсын үнэлгээ юм.

Монгол Улсын Засгийн газрын ээлжит хуралдаанаар “Цөмийн төхөөрөмж, цацрагтай холбогдолтой үйл ажиллагаанаас үүсэх хаягдлын аюулгүй ажиллагааны дүрэм”-ийг хэлэлцэж, баталлаа.

ЮНЕСКО-оос “Багш нарыг чадавхижуулах, боловсролыг өөрчлөхөд хиймэл оюун ухааныг ашиглах нь” сэдэвт олон улсын форум зохион байгууллаа.

Боловсролын үйлчилгээг тэгш хүртээмжтэй хүргэх, ингэхдээ чанарт онцгой анхаарах шаардлагатай талаар уулзалтын үеэр талууд ярьж байлаа. Үүнээс гадна Боловсрол, шинжлэх ухааны яам тусгай хэрэгцээт хүүхдүүдийн асуудлыг цогцоор нь авч үзэх, тэдэнд зориулсан эрүүл мэнд, нийгмийн хамгаалал, боловсролын үйлчилгээг нэг цэгт үзүүлдэг байхыг чухалчилж байгаа юм.

АШУҮИС-ийн Анагаах Ухааны Сургуулийн докторант Эрдэнэбатын Саруулсайхан “Илүү тээлттэй эхийн төрөлтийн явцыг ихэс болон хүйнд үүсэх морфологи бүтцийн өөрчлөлттэй нь холбон судалсан дүн” сэдвээр АУ-ны доктор (Ph.D)-ын зэрэг хамгаална. Хамгаалуулах зөвлөлийн хурал 2022 оны 12 дугаар сарын 15-ны 14:00 цагт АШУҮИС-ийн Эрдмийн өргөө 220 тоот танхимд болно.

Хөдөлмөр, нийгмийн хамгааллын яамны харьяанд үйл ажиллагаа явуулж байсан мэргэжлийн боловсролын салбар 2022 онд Боловсрол, шинжлэх ухааны яамны эрхлэх асуудалд шилжиж ирснээр боловсролын тогтолцоо бүтэн болов.

Улсын хэмжээнд 2022-2023 оны хичээлийн жилд ерөнхий боловсролын 859 сургууль хичээл, сургалтын үйл ажиллагаа эрхэлж байна. Тэдгээрийн 80.1 хувь нь төрийн өмчийн, 19.9 хувь нь хувийн өмчийн сургууль байна. Нийт 859 сургуульд 746,405 суралцагч суралцаж, 36,118 үндсэн багш ажиллаж байна.

Авлигын эсрэг олон улсын өдрийг угтаж Авлигатай тэмцэх үндэсний хөтөлбөрийг хэрэгжүүлэх арга хэмжээний төлөвлөгөөнд тусгасны дагуу зохион байгуулсан “Оюутны эрдэм шинжилгээний илтгэл, эсээ бичлэгийн уралдаан”-ы дүн гарч, шалгарсан оюутнуудад шагнал гардуулах үйл ажиллагаа 2022 оны 12 дугаар сарын 2-ны өдөр болов.