Азийн Хөгжлийн Банкны санхүүжилтээр Боловсролын яамны хэрэгжүүлж буй “Эдийн засгийн хүндрэлийн үед боловсролын чанар хүртээмжийг сайжруулах” төслийн Удирдах хорооны 27 дугаар хурал хуралдлаа. Удирдах хорооны хурлаар төслийн хэрэгжилт, үр дүнг 2025 оны эхний хагас жилийн байдлаар хэлэлцэж, дүгнэлээ. Төсөл нь одоогийн байдлаар 7 сургууль, 14 цэцэрлэгийг барьж өргөтгөн цахим ангиудыг байгуулахын зэрэгцээ шаардлагатай тавилга, тоног төхөөрөмжөөр хангажээ.

The Government of Mongolia is implementing the Loan 3594/4438-MON: Sustaining Access to Quality Education during Economic Difficulties Project, financed by the Asian Development Bank (ADB). The project aims to minimize the negative effects of economic difficulties by (i) narrowing the gap in the enrollment capacity of schools and kindergartens in Ulaanbaatar and some aimag centers; (ii) supporting the completion of unfinished curriculum reform and associated assessment system reforms; (iii) ensuring the provision of teaching and learning materials (TLM) that accompany the updated curriculum; (iv) upgrading the skills and knowledge of teachers and managers for the updated curriculum and assessments; and (v) strengthening systems for planning and managing education services. The project executing agency (EA) is the Ministry of Education (MOE), and the implementing agencies (IAs) are the MOE, the Ulaanbaatar Metropolitan Education Department, and the General Authority for Education (GAE).

Өнөөдөр Боловсролын яам, Нийслэлийн Ерөнхий боловсролын 112 дугаар сургууль, Гандантэгчэнлин хийдтэй хамтран БНЭУ-д шавилан сууж буй лам суралцагчдын төгсөлтийн үйл ажиллагааг цахимаар зохион байгууллаа. Төгсөлтийн арга хэмжээнд Энэтхэг улсад шавилан сууж буй лам нар болон тэдний багш нар цахимаар оролцсон бөгөөд зарим суралцагчийн боловсролын баримт бичгийг эцэг эх, асран хамгаалагчид нь төлөөлөн гардан авлаа.

“Боловсролын салбарт хамтран ажиллах тухай” хэлэлцээрийн хүрээнд Бүгд Найрамдах Киргиз Улсын их, дээд сургуульд Хөдөө аж ахуй, хүмүүнлэгийн ухаан, эдийн засгийн чиглэлээр бакалавр болон магистрт тус тус 1 иргэнийг сонгон шалгаруулж суралцуулна.

Монгол Улсын Боловсролын яам болон Бүгд Найрамдах Хорват Улсын Шинжлэх ухаан, боловсрол, залуучуудын яам хооронд байгуулсан хэлэлцээрийн хүрээнд Бүгд Найрамдах Хорват Улсын Засгийн газрын тэтгэлгээр 2025/2026 оны хичээлийн жилд тус улсын их, дээд сургуульд бакалаврын хөтөлбөрт суралцах 2 Монгол оюутныг нэр дэвшүүлэхээр сонгон шалгаруулна. Сургалт Хорват хэл дээр явагдах бөгөөд тэтгэлэгт нэр дэвшигч 1 жилийн Хорват хэлний бэлтгэлд хамруулна.

Дээд боловсролын байгууллагын чадавх бэхжүүлэх Европын холбооны Erasmus+ RETEACH буюу "Монгол улсын багш бэлтгэх боловсролын хөтөлбөрийг ногоон болон дижитал шилжилт рүү шинэчлэх" төслийн багийн гишүүдийг чадавхжуулах сургалт Итали улсын Палермо хотод зохион байгуулагдлаа. Сургалт "Багшийн боловсрол дахь Европын холбооны тогтолцоо ба Европын бодлогын механизмын тойм" сэдвийн хүрээнд явагдсан юм. Сургалтад Монгол, Итали, Румын улсын төслийн багууд оролцсон. Монголын талаас Боловсролын яам, Боловсролын ерөнхий газар, Боловсролын үндэсний судалгааны хүрээлэн, “Отгонтэнгэр” их сургууль, МУБИС, МУИС-ийн Зүүн бүсийн сургууль, “Дархан” дээд сургууль, “Хангай” дээд сургуулийн төлөөлөл оролцлоо.

Нийслэлийн Боловсролын газрын 2025 оны төсөвт Нийслэлийн 117 багш, ажилтны тэтгэмж болох 2.6 тэрбум төгрөгийн санхүүгийн эх үүсвэр багтсан. 2025 оны 7-р сарын 3-ний өдрийн УИХ-ын чуулганаар төсвийн тодотголыг хэлэлцэх үеэр УИХ-ын гишүүн Г.Ганбаатарын гаргасан саналын дагуу тус төсөв хасагдсан хэдий ч багш, ажилчдын тэтгэмжийн санхүүжилтийг Боловсролын сайдын багцаас гаргаж тэтгэмжийг цаг тухайд нь бүтэн олгох болно гэдгийг хариуцлагатайгаар мэдэгдэж байна.

ОХУ-ын Бүгд Найрамдах Буриад Улсын Буриадын Их Сургуульд “Монгол хэл, соёлын төв”-ийг албан ёсоор нээлээ.

“Монгол Улсын Боловсролын яам, Оросын Холбооны Улсын Шинжлэх ухаан, дээд боловсролын яам хоорондын дээд боловсролын салбарт 2025-2029 онд хэрэгжүүлэх хамтын ажиллагааны хөтөлбөр"-ийг байгууллаа. Энэ хөтөлбөрийн хүрээнд орос хэлний багш нарын ур чадварыг үе шаттайгаар Оросын Холбооны Улсад мэргэшил дээшлүүлэхэд хамтран ажиилах юм.

Оросын Холбооны Улсын Бүгд Найрамдах Буриад Улсын нийслэл Улаан-Үд хотноо Монгол, Оросын их сургуулиудын ректоруудын чуулга уулзалт 2025 оны 07 дугаар сарын 4-6-ны өдрүүдэд болж байна. Чуулга уулзалтыг Боловсролын сайд П.Наранбаяр, Оросын Холбооны Улсын Шинжлэх ухаан, дээд боловсролын дэд сайд К.И. Могилевский болон Бүгд Найрамдах Буриад Улсын Тэргүүн А.С.Цыденов нар нээж үг хэлэв. Боловсролын сайд П.Наранбаяр хэлсэн үгэндээ: 2024 оны 12 дугаар сард Оросын Холбооны Улсад зохион байгуулагдсан Монгол, Оросын Засгийн газар хоорондын Худалдаа, эдийн засаг, шинжлэх ухаан, техникийн хамтын ажиллагааны комиссын 26 дугаар хуралдааны хэрэгжилтийн хүрээнд уг арга хэмжээг зохион байгуулж байгааг дурдан, хуралдаанд оролцогчдод амжилт хүсэж, хэлэлцүүлэгт үр бүтээлтэй оролцохыг уриаллаа.