БШУЯ-наас хэрэгжүүлж буй “Инженер, технологийн дээд боловсрол” төслийн санхүүжилтээр ШУТИС-ийн Эрчим хүчний сургуульд 393,000 ам.долларын үнэ бүхий судалгааны лабораторийн тоног төхөөрөмж хүлээлгэн өглөө. Ингэснээр цахилгаан хангамжийн судалгааны лабораторитой болж байна.

Ерөнхий боловсролын салбарын өнөөгийн нөхцөл байдлыг тандах, хамтран ажиллах чиглэлийг тодорхойлох зорилгоор Кембрижийн их сургуулийн зөвлөх баг, БШУЯ-ны ажлын хэсэг хамтран нийслэлийн болон орон нутгийн ерөнхий боловсролын сургууль, багш бэлтгэх их дээд сургуулиудад ажиллалаа.

ШУТИС-ийн Барилга, Архитектурын сургуулийн докторант Наранцогтын Насанбаяр “Улаанбаатар хотын газрын доорх усны нөөцийг нэмэгдүүлэх судалгаа (Туул гол-Хужирбулангийн хэсгийн жишээн дээр)” сэдвээр техникийн ухааны доктор (Ph.D.)-ын зэрэг хамгаална. Хамгаалуулах зөвлөлийн хурал 2022 оны 06 дугаар сарын 02-ны өдрийн 15:00 цагт ШУТИС-ийн Шинжлэх ухаан технологийн (ШУТ) төв номын сангийн 604 тоот хурлын танхимд болно. 

Сурагчдын XIX олимпийн наадам болох Гимназиад-2022 Франц улсад зохион байгуулагдаж байна. Энэхүү наадамд манай улс анх удаа оролцож байгаа бөгөөд жүдо бөхийн төрөлд хоёр тамирчин, дасгалжуулагчийн хамт оролцсон. Жүдо бөхийн 57 кг-ийн жинд Д.Номин хүрэл медаль хүртлээ.